Alvida ‘Atal’!

અજાતશત્રુ ને અલવિદા! 😦

ક્યારેય વિચાર્યું ન હતું કે એક રાજકારણી ની પણ વિદાય આટલી બધી ખલશે. કોઈ સ્વજન ગુમાવ્યા હોય એવી લાગણી અત્યારે અનુભવાય રહી છે. અટલ ભારતીય રાજનીતિ ના ભીષ્મપિતામહ હતા. માત્ર 2 સીટ્સ માંથી ‘હાર નહીં માનુંગા’ ના સંકલ્પ સાથે કર્તવ્ય પથ પર ચાલતા ગયા અને સંઘર્ષ કરતા ગયા. અને એક દિવસ વિશ્વ ની સૌથી મોટી લોકશાહી નું અભૂતપૂર્વ નેતૃત્વ કર્યું! વાજપેયી જેવું કરિશ્માયી વ્યક્તિત્વ ભારતીય ઇતિહાસ મા ‘ન ભૂતો ન ભવિષ્યતિ’ છે એવું કહેવું જરા પણ અતિશયોક્તિ ભર્યું નથી.

2004 મા જયારે વાજપેયી એ રાજનીતિ ને અલવિદા કરી ત્યારે જ રાજનીતિ ના એક યુગ નો અસ્ત થઈ ગયો હતો. છેલ્લા 10 વર્ષ થી અટલજી ની ત્યબિયત અત્યંત નાદુરસ્ત હતી. એમની સ્મૃતિભંગ ની બીમારી છેલ્લા 10 વર્ષ મા દેશ ને અને ખાસ કરીને ભાજપા ને ખલી છે. કારણકે છેલ્લા દસ વર્ષ મા રાજનીતિ ના પરિપ્રેક્ષય અને દેશ ના માહોલ મા ઘણો ફરક આવ્યો છે. સોશિયલ મીડિયા નો પ્રભાવ વધ્યો છે અને પરંપરાગત રાજનીતિ બદલાઈ રહી છે ત્યારે દેશ મા બનતી હાલની ઘટના ઓ પર સ્વસ્થ વાજપેયી નું મંતવ્ય જાણવું રસપ્રદ રહેત. એમણેે રોપેલા બીજ નું 2014 મા મોટું વટવૃક્ષ બન્યું એ જોવા કે ભારત ના સર્વોચય સન્માન ‘ભારત રત્ન’ સ્વીકાર કરવા સ્વસ્થ ન હતા એનો વસવસો દરેક ભારતીય ને હશે! 😦 માત્ર એમની શખ્શિયત જ નહીં, એમના જેવી વકતૃત્વ કળા અને એમના ભાષણો નો સાહિત્ય રસ પણ ભારતીય રાજનીતિ મા અભૂતપૂર્વ હતો. હિન્દી સાહિત્ય અને કવિતા વાજપેયીજી નો આત્મા હતો. આજ ના જાડી ચામડી વાળા રાજનેતાઓ ના શુષ્ક અને ખોખલા ભાષણો આગળ એમના 20-25 વર્ષ જૂના ભાષણો સાંપ્રત સમય મા પણ એટલા જ રિલેવન્ટ અને ચોટદાર લાગે છે.

માત્ર ભારતીય રાજનીતિ જ નહીં, જ્યારે જયારે વિશ્વ મા ‘લોકશાહી’ નો ઉલ્લેખ થશે ત્યારે ઇતિહાસ મા અમરત્વ પ્રાપ્ત કરી ચૂકેલા આ યુગપુરુષ નું નામ ગર્વ થી લેવાશે. આઝાદી પછી માં ભારતી ના સૌથી મોટા સપૂત વાજપેયી ને કહેવું મને જરા પણ અતિશયોક્તિ ભર્યું નથી લાગતું.

”અટલ’ જી ને શ્રદ્ધાંજલિ. 👏

Guru Purnima

ગુરુ પૂજન એ ભારતીય સંસ્કૃતિ નુ સુમધુર અને ભાવભીનું કાવ્ય છે. કૃતજ્ઞતા વ્યક્ત કરવા માટે ના ખાસ દિવસ વિશે મેં બીજી કોઈ સંસ્કૃતિ મા સાંભળ્યું નથી. પણ અફસોસ ની વાત એ છે કે ગુરુ ની વ્યાખ્યા આપણે ત્યાં સંકુચિત કરી દેવાઈ છે. અને ગુરુપૂજા ભયંકર રીતે ‘ગુરુવાદ’ મા પરિણમી છે. ગુરુપૂજા નું સુંદર રીતે ખીલેલું અને સૌરભ થી મહેકતું પુષ્પ ગુરુવાદ એ ચીમળી નાખ્યું છે! એટલે આપણી કહેવાતી અનુયાયી પદ્ધતિ વાળી સંસ્કૃતિ (Hero worship culture) કહેવાતા ગુરુઓ ના ખોખલા ભાષણો મા અને ભારત ના ભવ્ય ભૂત(કાળ) ના ભ્રમ મા જ જીવે છે. ‘ગુરુ ગોવિંદ દોનો ખડે…’ જેવા દોહાઓ કે સુભાષિતો નું અર્થઘટન આપણે ત્યાં પાયા થી જ ખોટું કરાય છે. એટલે આપણે ત્યાં ચાંદ ની ખૂબસૂરતી માણવા કરતા ચાંદ ની ખૂબસૂરતી બતાવનાર કોઈ ‘ગુરુ’ ને જ ચાંદ માની લેવામા આવે છે! ભારત મા અત્યારે આવા ગુરુવાદ ની પરાકાષ્ઠા છે!

શીખવે એ શિક્ષક,
જીવે એ ગુરુ! 🙂
– જય વસાવડા #JV

ગુરુપૂર્ણિમા ની શુભકામનાઓ ! 😊

Sacred Games : Season 1

#SacredGames

#Netflix

#DigitalPlatform

નેટફ્લિક્સ અને એમેઝોન પ્રાઈમ જેવા ડિજિટલ પ્લેટફોર્મ ની ક્રાંતિ થી બોલિવૂડ ની mediocrity અને સેન્સર ની ઝંઝટ થી ચોક્કસપણે છુટકારો મળશે. પણ આ ક્રાંતિ બેધારી તલવાર છે. એનો ઉપયોગ આડા અવડા સીન નાખી ગલગલીયા કરાવવા પણ થઈ શકે અને સેક્રેડ ગેમ્સ જેવા brilliant કોન્ટેન્ટ તૈયાર કરવામાં પણ થઈ શકે! સેક્રેડ ગેમ્સ ની પહેલી સિઝન મા લગભગ અડધો ડઝન સેક્સ સીન છે પણ એકેય સીન મા મૂળ વાર્તા થી ક્યાંય પણ distract થવાતું નથી. અલબત્ત, આ સીન્સ વાર્તા નો જ ભાગ છે અને તમામ એકદમ મેચ્યોરિટી થી ભજવાયા છે. સેક્રેડ ગેમ્સ મા બોલાતી બેફામ ગાળો એ વાર્તા ના બેકડ્રોપ ને ઓથેન્ટિસિટી આપે છે. આ વેબ સિરીઝ જેટલા બોલ્ડ પોલિટીકલ સ્ટેટમેન્ટ્સ ભારત મા અગાઉ ક્યારેય થયા નથી. એક સમય હતો જ્યારે કોંગ્રેસ ને ફિલ્મ ‘રાજનીતિ’ નો એક સામાન્ય કહી શકાય એવો સંવાદ ‘સબ કુછ સમેટ કર લે ગઈ વિધવા’ પણ નડ્યો હતો અને પ્રકાશ ઝા ને એ સંવાદ મા તાત્કાલિક ધોરણે ‘વિધવા’ શબ્દ ને ‘બિટીયા’ થી બદલવો પડ્યો હતો. જ્યારે આજે રાજીવ ગાંધી પર સીધી અને ગંભીર કોમેન્ટ થઈ હોવા છતાં કોંગ્રેસ લાચાર છે! આ જ ડિજિટલ પ્લેટફોર્મ ની તાકાત છે. અને ડિજિટલ પ્લેટફોર્મ ની આ લિબર્ટી નો ફેન્ટમે (અનુરાગ કશ્યપ અને વિક્રમાદિત્ય મોટવાણી) સેક્રેડ ગેમ્સ મા બખૂબી ઉપયોગ કર્યો છે. ☺

બાય ધ વે, સોશિયલ મીડિયા મા છેલ્લા 18 દિવસ થી સેક્રેડ ગેમ્સ નો hype જોઈ ને આ વેબ સિરીઝ જોવાનું જાણે સામાજિક પ્રેશર હતું! 😉 અને અંતે અંકે 400 મિનિટ્સ ફાળવી ને એક જ બેઠકે સિઝન 1 પૂર્ણ કરી નાખી. અને સિઝન 1 જોઈને અનુભવ્યું કે સોશિયલ મીડિયા નો આ hype વ્યાજબી છે. કારણકે Narcos જેવી ધરખમ અમેરિકન સિરીઝ ને આ ભારત નો ટેક્નિક અને કોન્ટેન્ટ થી જવાબ છે. વિક્રમ ચંદ્રા ની દળદાર નોવેલ ના adoption એવી આ સિરીઝ ની વાર્તા મા આમ તો ખાસ નવીનતા નથી. મુંબઇ હજી બોમ્બે હતુ ત્યાર નું બેકડ્રોપ, એ જ અંડરવર્લ્ડ, એ જ માફિયા, એ જ 90 નો દાયકો, હિન્દૂ-મુસ્લિમ નું ઘર્ષણ, કેન્દ્ર ની રાજકીય અસ્થિરતા અને બોમ્બે ના ભગવાન બનવાની મહત્વકાંક્ષા! દારુણ ગરીબી. એ ગરીબી માંથી નીકળી હજારો લાખો લોકો ની જેમ માયાનાગરી બોમ્બે મા રોટી ની તલાશ મા આવેલો યુવાન. બોમ્બે ની ચાલી મા જાનવરો જેવી સડકછાપ જિંદગી થી ગ્લેમરસ બોમ્બે ની સફર. વત્તે ઓછે એંશે મુંબઈ ના તમામ અન્ડરવર્લ્ડ ડોન અને ગેન્સ્ટર્સ ની આ જ કહાની હોય છે. પણ આ સફર દરમ્યાન જે કંઈ ઘટે એમા ભારોભાર ડ્રામા અને થ્રિલ હોય છે. બોલિવૂડ મા અને નોવેલ્સ મા અનેક વખત કહેવાય ગયેલી આ વાર્તા નુ જ સેક્રેડ ગેમ્સ એક સ્વરૂપ છે. પણ સેક્રેડ ગેમ્સ ની ટેક્નિકાલીટી, ટ્રીટમેન્ટ, ડિટેઇલીંગ અને એક્ટિંગ ને કારણે જોઈ ને લાગે કે કદાચ આ વિષય ને આનાથી વધુ સારી રીતે પ્રેઝન્ટ થઈ જ ન શકે. વરુણ ગ્રોવરે આ crime saga ને ખૂબ જ રસપ્રદ રીતે mythological રેફરન્સ સાથે રજૂ કર્યા છે. તમામ એપિસોડ્સ મા કોઈ ને કોઈ mythological ઘટના નો મેટફાર છે. અને તમામ એપિસોડ્સ ના નામ પણ એકદમ રસપ્રદ છે! આ સિરીઝ નું સ્ટોરીટેલિંગ એકદમ non linear છે. અહીંયા બિલકુલ સ્પૂનફિડિંગ નથી. એક સાથે ત્રણ દાયકા ની વાર્તા સમાંતર કહેવાતી હોય. અને એમા સબપ્લોટ્સ પણ ખરા. અહીં તો પાત્રો પણ non linear રીતે ઈન્ટ્રોડ્યુસ થાય! વર્તમાન મા કોઈ વાત કહેવાતી હોય ત્યાં અચાનક 90s ના દાયકા નુ પાત્ર ઈન્ટ્રોડ્યુસ થાય અને વર્તમાન ની ખુટતી કડીઓ આપણી રીતે કળવાની! અમુક વખતે આપણા દિમાગ મા પણ પેરેલલ પ્લોટ્સ ચાલે! મારે અગાઉ કોઈ ભારતીય ફિલ્મ કે સિરિયલ મા આટલું મગજ નથી ચલાવવું પડ્યું! પણ સેક્રેડ ગેમ્સ નું સૌથી જમા પાસું હોય તો એની અનુરાગ કશ્યપ ના એક્ટિંગ ના અખાડા મા કસાયેલી કાસ્ટ અને વરુણ ગ્રોવર આણી મંડળી નું સોલિડ રાઇટિંગ છે. જોકે આશ્ચર્યજનક રીતે રાધિકા આપ્ટે એના પાત્ર મા એકદમ મિસફિટ લાગે છે! 🙂

હજી તો 947 પેજ ના દળદાર પુસ્તક ની પા ભાગ ની વાર્તા સિઝન 1 મા કવર થઈ છે. લગભગ ચાર સિઝન આવવી જોઈએ. પ્રથમ સિઝન મા તો જેટલા જવાબ મળ્યા એ જવાબ જ બીજા દસ સવાલ ઉભા કરે એવા છે. આ જોતા આગામી સિઝન વધુ રસપ્રદ અને વધુ લેયર્ડ રહેવાની પૂરેપૂરી સાંભવના છ! ☺

PS – સિઝન 1 મા ઘણા સવાલ unanswered જ રહી ગયા. પણ આ સિઝન પછી સોશિયલ મીડિયા ના સેક્રેડ ગેમ્સ પર ના મેમેઝ જરૂર crack કરી નાખ્યા! 😉 જે લોકો એ હજી સેક્રેડ ગેમ્સ નથી જોઈ એમને હું Durex ની માર્કેટિંગ ટીમે બનાવેલા આ રસપ્રદ મેમે ને crack કરવાનું task આપું છું. (મને ખબર છે ‘મેમે’ નહીં, ‘મીમ્સ’ કહેવાય. આથી એ વિષય નું જ્ઞાન કોઈએ પેલવું નહીં!) 😉

Diskit Monetary

#maitreybuddha

#diskitmonastery

#Ladakh

#Bliss

#meditation

#MobileClick

#Tale4

|મૈત્રેય બુદ્ધ|
106 ફુટ ની વિશાળ પ્રતિમા. અહીં મુશ્કિલ થી અડધા કલાક નો સ્ટે હતો અમારો. પણ હજી આ સ્થળ ના સ્પંદનો શરીર મા અનુભવાય છે. લદાખ નું સૌથી પ્રાચીન મોનેસ્ટ્રી. લગભગ 14 મી સદી નું નિર્માણ. મેડિટેશન માટે તો આ સ્વર્ગ. કદાચ અહીં થી વધુ શાંતિ અને કુદરતી સૌંદર્ય મળી જ ન શકે. અહીં ભગવાન બુદ્ધ જાણે પાકિસ્તાન ને શાંતિ નો સંદેશો આપી રહ્યા હોય એમ એમનું મુખ પાકિસ્તાન ની દિશા મા છે! સ્થાનિકો નું માનીએ તો અહીં ના monks અંગ્રેજી અને કોમ્પ્યુટર ના પણ જાણકાર છે અને મોટે ભાગે બધા જ શિક્ષિત છે. (ઓછા સમય નો સ્ટે હોય કોઈ monk થી ઇન્ટરેક્ટ ન કરી શકવાનો અફસોસ! 😢) આ શાંત ઘાટી ને રોડ કરતા વધારે BSNL જ દુનિયા સાથે જોડે છે. નુબ્રા ઘાટી સામાન્ય વતાવરણ (મે-જૂન) મા પણ પહોંચવું થોડું મુશ્કેલ કહેવાય, પણ શિયાળામાં તો હેવી સ્નોફોલ ને કારણે અલોમોસ્ટ સંપર્કવિહોણુ જ બની જાય. પણ છતાંય ઘણા monks અને સાહસિકો એ પરિસ્થિતિ મા પણ આ નયનરમ્ય એકાંત મા મેડિટેશન કરવા પહોંચી જતા હોય છે! મેડિટેશન ન કરવું હોય તો પણ આ સ્થળે કમસેકમ એકાદ કલાક નો સ્ટે કરવો જોઈએ. અહીં એક અલગ જ પ્રકાર ની bliss મળશે! ☺

|

Pangong Tso Lake

#PangongLake

#PangongTso

#Ladakh

#Beauty

Azure blue skies meet the gorgeous blue pangong lake, this is more like a romantic affair. This place is a dreamland! 😍

Can’t be a more stunning background for a picture! No filter required! 😘

Sanju :

#Sanju

#RajkumarHirani

#AbhijatJoshi

#VickyKaushal

:

A must attend acting carnival! 😇👌

બૉલિવૂડ મા બાયોપિક ફિક્શન થી વધુ ફિકશ્યસ હોય છે. ખાસ કરી ને વિવાદિત શખ્સશિયત એ બોલિવૂડ માટે ફેવરિટ બાયોપિક મટિરિયલ હોય છે! મોટે ભાગ ની બાયોપિક નો એજન્ડા નાયક ને ક્લિન ચિટ આપવાનો જ હોય છે અને એ સાબિત કરવાનો હોય છે કે નાયક તો દૂધ થી ધોયેલો છે અને અમુક સંજોગો ને કારણે જ અમુક પ્રકાર ના ગૂના કરવા પડ્યા. સંજુ ના કેસ મા પણ મહદઅંશે આવું જ છે. સંજુ ના જીવન ના અપ્સ-ડાઉન અને વિવાદો મા રહેલો ડ્રામા પરફેક્ટ બોલિવૂડ બાયોપિક મટિરિયલ છે. સંજુ ના કરેકેટર ને પણ અહીંયા અમુક સંજોગો ના સહારે ક્લિનચિટ આપવામાં આવી છે. જો કોઈ ઓર્ડિનરી હાથ મા આ બાયોપિક ગઈ હોત તો એ ઊંધે માથે પછડાટ. પણ આભિજાત જોશી અને રાજકુમાર હિરાણી ની ટ્રીટમેન્ટ હોય તો આવી ક્લિશે બાયોપિક ને પણ ‘કલાસ’ મા ફેરવી શકાય! આભિજાત જોશી ના શાર્પ ડાયલોગ્સ અને હિરાણી ની હળવી શૈલી ને કારણે ભારોભાર મેલોડ્રામા અને ગ્લોરીફિકેશન છતાંય સંજુ એ ટોટલ ફન છે. અહીં સંજુ ના કરેકેટર થી આસાનીથી કનેક્ટ થઈ શકાય છે.

પણ સંજુ નો સૌથી બેસ્ટ પાર્ટ એની કાસ્ટ છે. ‘સંજુ’ એ એક એક્ટિંગ કાર્નિવલ છે. રણબીર તો સંજુ બાબા ના પાત્ર ને ઘોળી ને પી ગયો છે. પણ બધા કરેકેટર વચ્ચે વિકી કૌશલ બાજી મારી જાય છે. સંજુ ના ગુજરાતી દોસ્ત ના પાત્ર મા વિકી કૌશલ ની એક્ટિંગ કલાસ અપાર્ટ છે. એ ઉપરાંત પરેશ રાવલ પણ સુનિલ દત્ત ના પાત્ર મા ઘણા ઓથેન્ટિક લાગે છે. અહીં સુનિલ દત્ત ની લેગેસી ને સારી એવી ટ્રીબ્યુટ આપવા મા આવી છે. એ ઉપરાંત મનીષા કોઈરાલા, બમન ઈરાની, જિમ સર્ભ, દિયા મિર્ઝા, કરિશ્મા તન્ના જેવા કસાયેલા કસબીઓ નો અહીં મેળાવડો છે. સંજુ એ કોઈ નખશિખ પર્ફેક્ટ કે એપિક લેવલ ની બાયોપિક નથી પણ જો સંજુ ને એક ફિક્શન કરેકેટર તરીકે જોઈએ તો પણ ફિલ્મ એટલી જ મજા ની છે. ઘણા રાજુ હિરાણી ની આ સૌથી નબળી ફિલ્મ કહે છે પણ મને તો એમની અન્ય ફિલ્મો જેટલો જ મજો પડ્યો! ☺

PS – ટૂ બી ઓનેસ્ટ, મને ‘સંજુ’ ની પસંદગી રાજુ હિરાણી માટે poor choice લાગતી હતી. પણ તેઓ ફિલ્મ મા એનો જવાબ એક મજા ના ડાયલોગ થી આપે છે. ‘Bad choices make good stories’! સંજુ ની સ્ટોરી ખરેખર રસપ્રદ અને મજા ની છે.

A must watch. 😊

And I conquer my Self!

#Ladakh

#Biking

#RoyalEnfield

#Adventure

#Tale2

And I conquer myself! ✌

સૌપ્રથમ વખત માઉન્ટ એવરેસ્ટ સર કરનાર ન્યુઝીલેન્ડ ના ફાંકડા પર્વતારોહક એડમંડ હિલેરી એ એક વાર કહ્યું હતું કે આપણે પર્વતો ને નથી સર કરતા આપણે આપણી જાત ને જ સર કરીએ છીએ, આપણે આપણા જ ડર પર વિજય મેળવીએ છીએ. લદાખ જઇ ને બીજું કંઈ નહીં તો પણ મેં મારા ડર ના એક ફેક્ટર ને તો એલિમિનેટ કરી જ નાખ્યો! હંમેશા થી મેં મારી સ્પ્લેન્ડર પ્રો સિવાય કોઈ બાઇક ચલાવી નથી. સ્પ્લેન્ડર લેવાનો એક માત્ર ક્રાઇટેરિયા એનું લાઈટ વેઇટ હતું. કોઈ પણ સ્પોર્ટ્સ બાઇક ચલાવવા હું under weight હતો. રૉયાલ એનફીલ્ડ ડ્રાઇવ કરવું તો મારા માટે સ્વપ્ન જ રહી જશે એમ લાગતું હતું. પરંતુ હાઈ એલટીટ્યુડ પર આવેલા રેગીસ્તાન લદાખ મા જો તમે બાઇક ડ્રાઇવ કે ડાઉનહિલ સાઈકલિંગ જેવું એડવેન્ચર ન કરો તો ત્યાં જવું જ નકામું છે. એના કરતાં તો કોઈ ડેન્સ્ડ ફોરેસ્ટ વાળા પર્વતો પર ટ્રેકિંગ કરવું સારું. કોઈ પણ જગ્યા એ જઇ ને ત્યાંના ક્લિશે થઈ ગયેલા DSLR વાળા પીક્સ સિવાય ઘણું લાવવાનું હોય છે! 😉 મારે લદાખ થી કોઈ એડવેન્ચર ની મેમોરી સાથે લાવવી જ હતી. અને મેં આખરે રોયાલ એનફીલ્ડ ડ્રાઇવ કરવાની હિંમત કરી જ નાખી. એ પણ અંકે 182 Kg ની રોયાલ એનફીલ્ડ હિમલાયા! બિલિવ મી, આ મારો કોઈ પણ સ્પોર્ટ્સ બાઇક ચલાવવાનો પ્રથમ અનુભવ હતો. ક્યારેય સિટી મા પણ ન ચલાવેલી બાઇક સીધી જ જગત ના સૌથી હાઈ એલટીટ્યુડ પૈકી ના મોટરેબલ રોડ્સ પર ચલાવવાની હિંમત કરી નાખી. ગ્રૂપ ના ઘણા લોકો ની સ્પષ્ટ ના હતી. એ લોકો નો ડર સાચો જ હતો. પણ ડર કે આગે જીત હૈ! આખરે માઉન્ટન ડયું પીધા વિના જ મેં એકલપંડે બાઇક ડ્રાઇવ કરવાનું સાહસ (કે દુ:સાહસ) કરી જ નાખ્યું! રોડ હતો સંગમ વેલી નો. જ્યાં ઝંસ્કાર અને ઇન્ડસ નદીઓ નો સંગમ થાય. પ્રથમ વખત બાઇક ડ્રાઇવ કરવાની થ્રિલ મા જે ગુરુદ્વારા મા સ્ટે કરવાનું હતું તે મિસ કરી ને ભૂલ મા આગળ નીકળી ગયો. પણ કહેવાય છે ને કે ‘Not all those who wander are lost!’ રસ્તો ભટકતા જ મને નિયત અંતર કરતા વધુ બાઇક ચલાવવાનો મોકો મળ્યો. હું અલમોસ્ટ લેહ સુધી જઇ ને રિટર્ન આવ્યો. સ્વભાવિકપણે ગ્રુપ ના લોકો ના જીવ તાળવે ચોંત્યા હતા. આવ્યા પછી તેઓ થોડા ગુસ્સે પણ થયા. પણ ત્યાં સુધી મા હું બાઇક પર કમ્ફર્ટેબલ થઈ ગયો હતો. પછી તો Nevil એ પણ પાછળ બેસવાની હિંમત કરી. લગભગ શાંતિ સ્તૂપ સુધી એ પાછળ બેઠો.

કદાચ મેં ફાંકડા બાઈકર્સ જેવી સ્પીડ બાઇકિંગ નહીં કરી હોય કે કદાચ એમના કરતા સ્પોટ પર લેટ પહોંચી વેઇટ કરાવી હશે પણ મને આ બાઇકિંગ થી અલગ જ પ્રકાર ની થ્રિલ અને ગર્વ નો અનુભવ થયો. અને આ બાઇકિંગ જ આખી ટ્રીપ ની મારી બેસ્ટ મેમરી! 😘

અને મને જાત અનુભવે સમજાયું કે ‘Royal Enfield is not about weight, it’s about right balance and courage!’ 🙂